Yaliyojiri Mkutano wa Mhe. Edward Lowassa na wanawake wa Dar es Salaam

Mgombea Urais kwa tiketi ya Chadema kupitia Ukawa Mhe. Edward Lowassa jana jioni alikutana na wanawake wa Dar es Salaam kwenye Mkutano uliondaliwa na Baraza la Wanawake la Chadema (Bawacha) wakishirikiana na vyama wenza katika Ukawa CUF, NCCR Mageuzi na NLD. Mkutano huo uliofanyika katika ukumbi wa Millenium Tower ukiwa na kauli mbiu: "Lowassa na hatma ya changamoto za wanawake Tanzania"

Regina Lowassa akiongea na Wanawake wa Dar es Salaam

Akizungumza na wanawake hao Mama Regina Lowassa alielezea changamoto mbalimbali zinazowakabili kina mama na Tanzania kwa ujumla zikiwemo sheria kandamizi za mirathi na ndoa, mazingira magumu katika elimu, matumizi ya nishati ya kuni na umaskini uliokithiri na mfumo wa dume. Aliwataka kina mama hao kushirikiana kwa pamoja kufanya maamuzi sahihi ili kuweza kuleta mabadiliko.

Nae Mhe. Lowassa aliwashukuru wanawake wa Dar es Salaam kwa mahaba yao na pia kumshukuru mwenyekiti wa Bawacha Bi. Halima Mdee kwa mualika, Lowassa aliwataka wanawake hao kumuombea kura si tu kwa waume zao bali kila mahali wamuombee kura.

Wanawake waliohudhuria wakiwa nje ya ukumbi

wanawake waliohudhuria ndani ya ukumbi

Halima Mdee (Kushoto) na Bi Regina Lowassa (Kulia)

Wasanii: Jacq Wolper (kushoto), Aunty Ezekiel (kulia) na Shamsa Ford (katikati)