Hali bado tete Mtwara

Hali bado mbaya Mtwara mauji yaendelea,barabara zimefungwa          Mtwara,Tanzania

WAKATI Rais wa Jamhuri wa Muungano wa Tanzania Jakaya Kikwete na Serikali yake ikihaha kutafuta mbinu za kuzima vurugu za Wananchi wa Mtwara wanaopinga hatua ya Serikali hiyo kusafirisha gesi kwa njia ya mabomba kutoka Mtwara hadi jijini Dar es Salaam,watu wawili wameripotiwa kuuwawa jioni hii.

Taarifa zilizonaswa na Habarimpya.com kutoka Mtwara zinadai kwamba vurugu hizo zinaendelea katika baadhi ya maeno ya Magomeni na maeneo ya Sokoni kiasi cha kusababisha vifo vya watu wawili.

Kati ya watu waliofariki Dunia katika vurugu hizo leo ni pamoja na Mama Mjamzito anayedaiwa kupigwa risasi wakati wa mambano ya Askari wa Jeshi la Polisi na wananchi hao. mwingine aliyedaiwa kupigwa risasi katika vurugu hizo leo ni mwanafunzi wa Chuno huku mwingine akikimbizwa katika Hospitali ya Ligula kwa matibabu zaidi.

Mbali na mauaji hayo ya raia wasiokuwa na hatia, wananchi wa eneo la Magomeni Mkoani hapo pia wanadaiwa kukimbilia katika Hospitali hiyo ya Mkoa kuomba hifadhi wakihofia usalama wao kutokana na vurugu za kuchomwa kwa nyumba zao pamoja na vibanda vya biashara zilizotokea leo asubuhi katika eneo hilo.

"Ingawa katika baadhi ya mitaa hali imetulia na ni idadi ndogo ya wananchi ndiyo inayoonekana wakitembea mitaani isipokua eneo la Magomeni ambako mabomu yanaendelea kusikika huku huduma za kijamii katika mji huo zikiwa zimesimama zikiwemo usafiri, huduma za kibenki na shule"alisema Ramadhani Omary Mkazi wa Magomeni Mtwara.