UBELGIJI yafuta sherehe za mwaka mpya

Serikali nchini UBELGIJI imefuta sherehe za kuukaribisha mwaka mpya katika mji wa BRUSSELS kutokana na hofu ya kutokea kwa shambulio la kigaidi

 

UBELGIJI yafuta sherehe za mwaka mpya

 

Serikali nchini UBELGIJI imefuta sherehe za kuukaribisha mwaka mpya katika mji wa BRUSSELS kutokana na hofu ya kutokea kwa shambulio la kigaidi.

Uamuzi huo ulichukuliwa baada ya serikali ya nchi hiyo kupata taarifa kuhusu njama za kutekeleza shambulio la kigaidi katika mji huo.

Meya wa BRUSSELS, YVAN MAYEUER, amesema sherehe hizo zinakusanya zaidi ya watu laki moja mahali pamoja na hivyo ni vigumu kuwadhibiti watu wote.

Hofu ya kutokea kwa shambulio la kigaidi katika sherehe za mkesha wa mwaka mpya iliongezeka,  baada ya polisi kukamata watu wawili kwa tuhuma za kupanga mashambulio katika sherehe za mwaka mpya mjini BRUSSELS.

Mji huo wenye wakazi zaidi ya  milioni 1 umekuwa katika hali ya tahadhari tangu kutokea kwa mashambulio ya kigaidi mjini PARIS nchini UFARANSA.