Askari polisi wakumbushwa kuzingatia maadili ya kazi

Askari na maofisa wa polisi mkoani MWANZA wametakiwa kuzingatia maadili ya kazi,miongozo ya jeshi hilo pamoja na sheria za nchi ili kujenga taswira nzuri ya jeshi hilo kwa jamii 

 

kamanda wa polisi mkoa wa MWANZA CHARLES MKUMBO

 

Askari na maofisa wa polisi mkoani MWANZA wametakiwa kuzingatia maadili ya kazi,miongozo ya jeshi hilo pamoja na sheria za nchi ili kujenga taswira nzuri ya jeshi hilo kwa jamii.

Wito huo umetolewa na aliyekuwa kamanda wa polisi mkoa wa MWANZA CHARLES MKUMBO wakati akimtambulisha kamanda mpya wa polisi wa mkoa huo JUSTUS KAMUGISHA kwa maofisa,wakaguzi na askari polisi wa vyeo mbalimbali.

Awali akimtambulisha kamanda KAMUGISHA,aliyekuwa kamanda wa polisi wa mkoa wa MWANZA CHARLES MKUMBO amewataka askari na maafisa hao wa polisi kutekeleza kwa vitendo kauli mbiu ya serikali ya awamu ya tano ya HAPA KAZI TU.

Kamanda KAMUGISHA amehamia MWANZA akitokea mkoani SHINYANGA ambapo kamanda MKUMBO akihamishiwa makao makuu ya polisi kwa ajili ya kuongoza kamisheni ya intelijensia ya jinai nchini.

Katika hatua nyingine kamanda JUSTUS KAMUGISHA amekutana na waandishi wa habari na kuwahakikishia wakazi wa MWANZA kuwa polisi imejipanga kuhakikisha sikukuu ya mwaka mpya inasherekewa kwa amani na utulivu.