Sensei Ringo acheleweshwa program ya Karate

Mwalimu wa mchezo wa Karate Tanzania Sensei Willy Ringo, amesema kuchelewa kufanyika uchaguzi wa viongozi wapya wa chama cha karate Tanzania kunakwamisha juhudi zake za kueneza mchezo huo mashuleni.

 

Mwalimu wa mchezo wa Karate Tanzania Sensei Willy Ringo,amesema kuchelewa kufanyika uchaguzi wa viongozi wapya wa chama cha karate Tanzania kunakwamisha juhudi zake za kueneza mchezo huo mashuleni.

Ringo ambaye ana kituo cha mchezo wa shotokan-karate kwenye kituo cha Utamaduni cha Urusi(Russian Culture Center) jijini Dar es Salaam,amesema alikuwa mwenyekiti wa kamati ya kupeleka malalamiko kwenye baraza la michezo Tanzania BMT, baada ya kuona muda wa viongozi wa chama umemalizika.

Amesema bado kuna dana dana juu ya uchaguzi huo utafanyika lini,ila mikatati yao kama wadau ni kuhakikisha mapema mwaka ujao chama cha Karate kinafanya uchaguzi.

Aidha Ringo amesema pale chama cha Karate kitakaposimama ndiyo yeye atakapoandaa programu ya kusambaza karate mashuleni,kwa kuwa atapata baraka za chama na baraza la michezo na Wizara ya michezo.