Rais wa BURUNDI atishia kupigana na kikosi cha afrika cha kulinda amani

Rais wa BURUNDI ametishia kupigana na kikosi cha Muungano wa Afrika cha kulinda amani pindi wanajeshi hao watakapoingia nchini humo

 

Rais PIERRE NKURUNZIZA

 

Rais wa BURUNDI ametishia kupigana na kikosi cha Muungano wa Afrika cha kulinda amani pindi wanajeshi hao watakapoingia nchini humo.

Akihutubia taifa kwa njia ya radio, rais PIERRE NKURUNZIZA amesema kuingia kwa wanajeshi hao nchini BURUNDI kutakuwa ukiukaji wa uhuru wa taifa hilo na pia shambulizi dhidi ya serikali yake.

Rais huyo alisusia ufunguzi wa mazungumzo ya amani nchini UGANDA siku ya Jumatatu.

NKURUNZINZA aliyeshinda muhula wa tatu katika uchaguzi mkuu uliokumbwa na utata na maasi mwezi julai mwaka huu amekana kuwepo kwa visa vya mauaji nchini mwake.

Viongozi wa kidini kutoka kanda ya Afrika Mashariki KENYA, TANZANIA, RWANDA na UGANDA ambao wamekuwa wakikutana mjini NAIROBI ,wameelezea wasiwasi wao na jinsi usalama unavyozidi kudorora katika taifa hilo.