Habari Picha: Daraja la Kigamboni Laanza Kutumika

 
Mtangazaji wa Global TV Online, Adria Cleophace akimhoji mmoja wa watumiaji wa daraja 

 
Mama ndani ya gari lake akionekana mwenye furaha kuvuka daraja la Kigamboni.

 Taswira kamili.

 
Magari na watembea kwa miguu wakivuka.

 
Bodaboda nazo zikitumia daraja hilo.

 
Wakina mama watembea kwa miguu wakivuka.

njia za magari.

IKIWA zimebaki siku mbili tu ili Rais wa Jamhuri ya Muungano wa Tanzania Dkt. John Pombe Magufuli azindue rasmi Daraja la Kigamboni lenye urefu wa mita 680 ambalo limejengwa juu ya Bahari ya Hindi kuunganisha kata za Kigamboni na Kivukoni, mapema hii leo wananchi wameonekana wakitumia daraja hilo kuvuka kutoka upande mmoja kwenda mwinguine ambapo pia magari yameonekana yakipita.

Daraja hilo ambalo limejengwa katika mkondo wa Kurasini (Kurasini Creek), mradi huu uliobuniwa na Arab Consulting Engineers na kujengwa na wakandarasi kampuni za China Railway Jiangchang Engineering (T) Ltd na China Major Bridge Engineering Company, unamilikiwa na Mfuko wa Taifa wa Hifadhi ya Jamii (NSSF).

Sherehe za uzinduzi rasmi wa daraja hilo utafanyika Jumanne ijayo huku mgemi rasmi atakayezindua daraja hilo atakuwa Rais wa Jamhuri ya Muungano wa Tanzania Dkt. John Pombe Magufuli.