JIFUNZE UJASIRIAMALI: KUTAFUTA SOKO LA BIDHA ZAKO, KUNAHITAJI UBUNIFU

Ishi Maisha ya Kujihoji

Ninaposema "Maisha ya Kujihoji'' nina maana ya maisha ambayo kila mara ninajitathmini kwa dhati, nikijiuliza kama ninafanya 

kilicho sahihi kama impasavyo Binadamu, pamoja na kujijengea nidhamu binafsi  mwenendo wangu. Ninajaribu kuwa mkamilifu na mwaminifu katika tafakari zangu. Na ninapoona dalili zozote za ubinafsi au woga, ninajiambia, ''Acha kujifikiria wewe'' au kuwa jasiri kufanya lile unalojua kuwa ni sawa''. Jinsi ninavyozidi kurudia jambo hili, ninapata ufumbuzi wa kina zaidi wa moyo wangu kwa namna amboyo inanisaidia kuepuka  maamuzi mabaya na makosa yanayoweza kufanyika.

Sote tunawajua watu waliojiwekea nidhamu wakati wa ujana na kupata mafanikio makubwa, ila baadaye wakajawa na majivuno kiasi cha kuwafanya marafiki wa zamani waseme ''mafanikio yamemharibu''.

Hali yetu ya ubinadamu hutusukuma katika kubweteka na mafanikio tuliyojipatia. Kwa bahati mbaya, hata tungefanikiwa kwa kiasi gani katika maendeleo yetu wenyewe, bado tunaweza kupoteza kila tulichokwishapata kama hatutajitahidi kuwa waaminifu, watu wa kuihoji mioyo yetu, na wenye kujifunza kila siku.

Watu kama sisi tunaofanya kazi kwa bidii bila kukata tamaa, tuna uwezekano wa kumaliza kila siku kwa kukamilisha majukumu tu bila kujichunguza wenyewe. Lakini tukipania kuufanya utu wetu utukuke, ni lazima tutafakari kwa makini kuhusu ukweli wa namna tulivyo, na namna ambavyo tungepaswa kuwa bora zaidi. Endapo utashindwa kuishi maisha ya kujihoji mafanikio pekee yanaweza kuwa maanguko.