DR. SLAA; SASA NIMEMALIZA ZIARA....

 

Katibu Mkuu wa CHADEMA Dr Wilbroad Slaa amemaliza ziara ya wiki tatu nchini Marekani aliyoalikwa na Umoja wa vyuo vikuu vikubwa nchini humo.

Ziara hiyo iliyomchukua kiongozi huyo majimbo mbalimbali ilipewa jina la 'Vision Tanzania' na ilikuwa ya manufaa makubwa kwake,kwa chama chake na kwa Taifa lake.

Akizungumza jana Jumapili akiwa uwanja wa ndege Marekani kabla ya kuondoka Dr Slaa alisema amejifunza mambo mengi sana ambayo ni faida kubwa kwa Watanzania.

Dr Slaa amekuwa gumzo Marekani katika majimbo kadhaa aliyotembelea kutokana na hotuba alizokuwa anatoa katika vyuo vikuu na sehemu nyinginezo alizotembelea ikiwemo shirika la Anga.

Katika hotuba iliyotikisa wazungu ni pale kiongozi huyo nyota wa Tanzania aliposema CHADEMA haitaki pesa za wamarekani bali wanachokitaka kutoka kwao ni Utaalamu wao (Skills).Hotuba ya Dr Slaa na uthubutu wake mbele ya wazungu imesababishwa kufananishwa na Hotuba za Mwl Nyerere aliyekuwa anawakemea wazungu bila woga.

Wiki hii mitandao ya kijamii nchini Kenya ilitawaliwa na Hotuba ya Dr Slaa iliyosambazwa na kuchukuliwa kama 'The greatest speech from African Politician'

Dr Slaa anawasili nchini huku Muungano wa Upinzani ukitarajiwa kukutana na Rais Kikwete kesho kujadili mustakabali wa Katiba.