Wajumbe wa baraza la madiwani walalamikia vitendo vya rushwa kwa baadhi ya watumishi wa serikali

Wajumbe wa baraza la madiwani jimbo la ushetu Kahama wamelalamikia vitendo vya Rushwa vinavyofanywa na baadhi ya watumishi serikali likiwemo jeshi la Polisi kitengo cha usalama barabarani huku wakiinyoshea vidole taasisi ya kuzuia na kupambana na rushwa "TAKUKURU" kushindwa kuziba mianya ya rushwa na badhi ya watumishi wake kushiriki kuendeleza vitendo hivyo.

Wakizungumza baada ya kuzinduliwa baraza jipya la madiwani jimboni hapo baadhi ya madiwani waliopata nafasi ya kuchangia hoja wameitaka TAKUKURU kuhakikisha inawakamata watendaji wote serikalini wanaoshiriki kuendeleza vitendo vya Rushwa huku wengine wakihoji kuwa ni kwanini watendaji wa vijiji na kata hawawezi kufanya kazi bila kudai Rushwa kwa wananchi? Hali ambayo imekua ikirudisha nyuma maendeleo ya jamii.

 

Kwa upande mwingine madiwani hao wameitaka serikali kuanzisha mpango mkakati wa kutoa elimu juu ya rushwa katika maeneo ya vijijini na mijini kwakuwa wananchi wengi hawaelewi maana ya rushwa huku mwenyekiti wa halmashauri ya ushetu Bw.Juma Kimisha akidai kuwa amejipanga kudhibiti mianya ya rushwa hali itakayosaidia kuleta maendeleo ya haraka kwa wananchi.