RAIS DKT. JOHN MAGUFUL AAPISHA BARAZA LA MAWAZIRI

Rais Dakta JOHN MAGUFULI ameliapisha baraza la mawaziri  alilolitangaza Alhamisi juma hili.

Baraza hilo la mawaziri  na manaibu waziri lenye mawaziri kumi na tisa ni dogo likilinganishwa na baraza la mawaziri lililopita lililokuwa na mawaziri na manaibu mawaziri sitini.

 

Akitangaza baraza hilo mbele ya waandishi wa habari Ikulu jijini Dar es salaam alisema baadhi ya wizara zitakuwa na manaibu waziri na nyingine hazitakuwa nao.

 

Amesema lengo kubwa ni  kuwa na baraza dogo la mawaziri linaloweza kufanya kazi kwa ufanisi zaidi kama alivyoahidi  wakati wa kampeni ya uchaguzi kuwa ya kuwa na baraza dogo, ambalo litasaidia kupunguza matumizi ya serikali.

 

 

Katika kutekeleza hilo, rais amefuta semina elekezi iliyopangwa na Wizara ya Utumishi kwa mawaziri na manaibu waziri ambayo ingegharimu shilingi bilioni mbili na kusisitiza kuwa fedha hizo  zitapangiwa matumizi mengine.