Chadema wamtaka rais Dkt.Magufuli kukubali rasimu ya Warioba

 

 

Chama cha Demokrasia na maendeleo Chadema kimemtaka rais wa Jamhuri ya Muungano wa Tanzania Dr,John Pombe Magufuli kuikubali ya rasimu ya katiba ya Joseph Sinde Warioba yenye vipengele vya kuwapa maamuzi wabunge kuyajadili kisha kuyapendekeza baadhi ya majina ya mawaziri wateule ili kuepuka kuchagua mawaziri mizigo na wenye kashfa kwa nchi.

Akizungumza katika mkutano wa hadhara katika siku yake ya mwisho wa mkutano wa kmapeni ya nafasi ya ubunge jimbo la Handeni mjini,naibu katibu mkuu wa chadema taifa Mheshimiwa John Mnyika amesema hatua inafuatia mheshimiwa rais kuchagua baadhi ya mawaziri wale wale wanaotuhumiwa na kasfa ya escrow hatua inayowashawishi watakaporejea bungeni kuanzisha tena mjadala huo.

 

Awali wakizungumza katika mkutano huo baadhi ya wabunge wa viti maalum chadema wamewataka wananchi wa jimbo la handeni kukataa kutawaliwa kifalme na badala yake wafanye mabadiliko ili kuwasaidia akina mama waepukane na tatizo la ukosefu wa maji ambalo limesababisha kukumbwa na magonjwa ya milipuko mara kwa mara ikiwemo kipindupindu.

 

Kufuatia hatua hiyo mgombea ubunge wa jimbo la handeni Bwana.Said Lusewa amesema amebaini kuwa baadhi ya miradi ya maji imekuwa sio endelevu kwa sababu mbali mbali za utendaji na badala yake atahakikisha kuwa kipaumbele chake endapo atapewa ridhaa na wananchi ataanza na maji kuanzia ngazi ya kitaifa na kimataifa ili wahisani waweze kuliona tatizo hilo.