Sijaona vipaji vipya Chalenji - Kocha Mkwasa

Kocha wa Timu ya Taifa ya Tanzania Taifa Stars Charles Boniface Mkwasa Master amesema, hajaona kipaji kipya kwa wachezaji wapya walioshiriki michuano ya Kombe la Chalenji ambao anaweza kuwaongeza katika kikosi cha Timu ya Taifa.

Mkwasa amesema, wachezaji aliowaona ni walewale waliopo lakini amepata taarifa ya mchezaji Mtanzania anayechezea timu ya bandari ya Mombasa nchini Kenya ambaye anacheza katika nafasi ya Ulinzi na anamfuatilia na kama akimudu watamchukua.
Mkwasa amesema, bado wanahitaji wachezaji wanaoelewa wafanye kitu gani na kwa kipindi gamni hivyo wanaendelea kuboresha kikosi kwa kuangalia wachezaji ambao wataweza kumudu.