LEMA NA MIGOGORO YA KESI MKOANI ARUSHA

Lema akiwapungia wafuasi wake baada ya kupata dhamani katika Mahakama ya Hakimu Mkazi Arusha.           Dodoma,Tanzania

WAKATI Mbunge wa Arusha Mjini Godbless Lema (Chadema) akiachiwa kwa dhamana jana katika Mahakama ya Hakimu Mkazi Arusha,kufuatia kesi ya uchochezi inayomkabili, wiki hii Lema anaweza kukutana na rungu la Spika wa Bunge Anne Makinda endapo atashindwa kudhibitisha kauli aliyowai kuitoa Bungeni kwamba Rais Jakaya Kikwete ni mdini.

Akizungumza Bungeni April 17 mwaka huu kwa mara ya kwanza tangu alipotoka likizo ndefu kama anavyopenda kuita, Lema alianza kwa kusema, Mh. Naibu Spika mimi nahofia kung'olewa kucha zangu, kope zangu,meno yangu na macho yangu", Lema pia alisema kwamba Rais Kikwete amekuwa mwasisi wa udini nchini Tanzania na kusababisha chanzo cha vurugu za udini.

Hata hivyo Waziri wa Nchi, Ofisi ya Waziri Mkuu, Sera, Uratibu na Bunge, William Lukuvi aliomba mwongozo wa Spika na kudai kwamba Lema amemdhihaki Rais Kikwete na kumtaka akanushe kauli yake kwanza, kwa sababu kanuni za bunge haziruhusu jina la rai kutumika kwa dhihaka.

Naibu Spika Job Ndugai alimtaka lema kukanusha kauli yake hata hivyo Lema hakufanya hivyo, badala yake akasisitiza kwamba hakuna cha kukanusha kwa sababu Rais Kikwete ndiyo mwasisi wa vurugu za udini nchini Tanzania.

"Mh. Spika mimi sioni cha kukanusha hapo, kwa sababu sijamdhihaki Rais bali nilichokisema ni kusisitiza kwamba yeye ndiye mwasisi wa udini nchini" baada ya kauli hiyo Lema aliendelea kutetea hoja yake lakini dakika moja baadaye Mwanasheria Mkuu Frederick Mwita Werema alisimama na kumtaka Lema adhibitishe kauli yake ama akanushe.

Mfuasi wa Lema akiwa na bango lenye ujumbe mzitoBaada ya Mwanasheria Mkuu kusimama Mnadhimu wa Kambi ya Upinzani Bungeni Tundu Lissu pia akasimama na kusema kwamba Lema hajamdhihaki Rais bali ametumia maneno makali juu ya rais ambayo yanaruhusiwa kwa muujibu wa kanuni za Bunge hilo huku akifafanua kwamba dhihaka ni utani na kwa mantiki hiyo ndani ya bunge hili hakuna utani bali kuna mambo ya msingi.

Lissu akiwa mtu wa tatu kuzungumzia hoja hiyo ya Lema, Mwanasheria Mkuu akasimama tena na kusema kwamba tafsiri ya neno dhihaka ni udini hivyo Lema bado anahitaji kudhibitisha kauli yake, Waziri wa Nchi Ofisi ya Rais, Sera na Uratibu, Steven Wasira alikuwa mtu wanne kuzungumzia hoja ya Lema baada ya lema kumtaja kwamba alishindwa kutatua vurugu za kuchinja kule Mjini Mwanza pamoja na Geita.

Wasira alilazimika kusimama kutetea hoja hiyo huku akidai kwamba hakushindwa bali aliwataka viongozi wa dini kutatua suala hilo na kuwataka watizame njia sahihi ya kuishauri serikali, kauli iliyopingwa na lema kwa madai kwamba huo ni udhaifu wa serikali na uonga wa kufanya maamuzi magumu kwa maslahi ya Taifa.

Baada ya mjadala huo, Naibu Spika Job Ndugai alimtaka Lema kudhibisha kauli yake ndani ya wiki moja, hata hivyo siku moja baadaye Mbunge huyo na wezake wanne wakaondolewa Bungeni baada ya kukataa amri ya Naibu Spika huyo kuamuru Mbunge wa Singida Mashariki, Tundu Lissu atolewe nje ya ukumbi kwa kosa la kuomba mwongozo zaidi ya mara 10, hata hivyo kabla ya Lema kurudi bungeni akakutana na balaa la Mkuu wa Mkoa wa Arusha Magesa Mulongo.