Mawaziri wapya kuapishwa tar 28 Decemba 2015

Katibu Mkuu Kiongozi Balozi OMBENI SEFUE amesema mawaziri wote na Naibu Waziri walioteuliwa Desemba 23 mwaka huu wataapishwa Jumatatu tarehe Desemba 28

 

Katibu Mkuu Kiongozi Balozi OMBENI SEFUE

 

Katibu Mkuu Kiongozi Balozi OMBENI SEFUE amesema mawaziri wote na Naibu Waziri walioteuliwa Desemba 23 mwaka huu  wataapishwa Jumatatu tarehe Desemba 28  mwaka huu majira ya saa tatu za asubuhi, Ikulu Jijini DAR ES SALAAM.

Mawaziri hao wanaapishwa kufuatia uteuzi uliofanywa na Rais Dakta JOHN MAGUFULI  Desemba 23 mwaka huu ambapo aliteua mawaziri wanne, naibu Waziri mmoja na kumhamisha Wizara Waziri mmoja.

Walioteuliwa ni Waziri wa Maliasili na Utalii Profesa JUMANNE MAGHEMBE, Waziri wa Maji na Umwagiliaji Mhandisi GERSON LWENGE,  Waziri wa Elimu, Sayansi, Teknolojia na Ufundi Dkt. JOYCE NDALICHAKO na Naibu Waziri wa Mambo ya Ndani ya Nchi HAMAD YUSUF MASAUNI.

Rais Magufuli pia alifanya uhamisho wa Waziri mmoja ambaye ni Profesa MAKAME  MBARAWA kutoka Wizara ya Maji na Umwagiliaji na kwenda Wizara ya Ujenzi, Uchukuzi na Mawasiliano